الشاعر المجهول

#الدنيا_بتمشى_على_مزاجها
ضد اللى يعوزها ويحتاجها
ومحدش عارف إيه علاجها
ولا عارف إيه المطلوب بالظبط
آوقات نتغابى ونحسبها
بس بترتيب غير ترتيبها
تشغلنا الدنيا ب متاعبها
ونتوه جواها مانلقاش بعض
نقنع نفسنا ونقول دى ظروف
ونبص بعيد على بعد الشوف
ف نلاقى الحلم اتحول خوف
لا نطول السما ولا حتى الآرض
وسنين بتعدى ومانعدش
وبيجرى العمر مابنحسش
وندور بعدها ونفتش
على آول طرف الخيط ع الخط
تكبر ملامحنا على صورنا
آكتر بكتير مااتصورنا
وتجاعيد الوقت على وشوشنا
بنشوفها ف آى مراية نتخض
مولد ومع الوقت ب ينفض